منتديات جـروحي
ضيفنا الكريم :

-- يسعدنا ويشرفنا إنضمامك إلينا --


أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل [URL="http://6rooh.ahlamontada.com/profile.forum?mode=register"]بالضغط هنــا[/URL]




منتديات جـروحي

اهـلا وسهــلا بكــم فـي منتـديات جــروحي
 
الرئيسيةالتسجيلدخول

شاطر | 
 

  موضوع مميز: ¯ˉ”—ـ…‗_●♥ وما أنتِ كسواك من كل زجاجةٍ مُلئت سائلاً ♥●_‗…ـ—“ˉ

اذهب الى الأسفل 
كاتب الموضوعرسالة
عبدالله العنزي
مشرف القسم العام
مشرف القسم العام
avatar

عدد المساهمات : 425
تاريخ التسجيل : 23/06/2010
العمر : 33

مُساهمةموضوع: موضوع مميز: ¯ˉ”—ـ…‗_●♥ وما أنتِ كسواك من كل زجاجةٍ مُلئت سائلاً ♥●_‗…ـ—“ˉ   الثلاثاء يونيو 29, 2010 4:35 am


هالموضوع بتكلم فيه عن العطور عشان نتفآدى المقلد منهآ

بقدر المستطآع كلنا نعرف اضرآرهآ والبعض مايعرفهآ

ويقبل عليهآ ( وممكن بعضكم يشتريهآ من بآب انهآ عطور للمغآسل بس )




بنآت مهم مهم مهم تعرفون اذا دخلتو أي محل عطور

التأكد من العطر المقلد والعطر الاصلي

لان اغلب العطور تجينآ تعبئه من دبي

وتحمل اسم العطور الاصليه وبنفس الشكل ( تعرفون هالشي ) !

تلقينهآ هي هي مآفي فرق في الشكل الخآرجي

طيب كيف يامس كآتش نفرق ؟!



اذآ دخلتي محل عطور واخذتي العطر وجيتي للكاشير

بتحاسبينه المعروف في كل سلعه نشتريهآ في هالكون نحصل هذآ الشعآر





هذأ الشعآر دآيم نلقآه في كل السلع وهو ضروري ينحط

امآ بالنسبه للعطور اذآ تبغين تفرقين بين الاصلي والتقليد



لما يجيب لك العطر بالكرتون حآولي يكون معآك احد

يلهي البآئع شوي ضروري تسوين كذآ ولاينتبه لك

لانو هم عآرفين سآلفة الاستكر فرآح يبررلك كذب عشآن تشترينو

المهم انك تشوفين استكر العطر اسفل الكرتون بشكل سريع وبديهي

اذا الاستكر فوقو استكر ثآني لاصق معنآتو العطر معبأ

اذآ شفتي الاستكر مطبوع يعني مايكون لاصق اعرفي انك بطله

وانك اشتريتي عطر اصلي ..

مثل اللي في الصوره








المطبوع اللي زي اللي في كرتون جيو هذا الاصلي

اللي مو اصلي يجيك كرتون نفس اللي فوق بالظبط

بس يكون فوق الطبعه استكر قآبل للإزآله ( وهنا يكون مو اصلي )

لون الاستكر يجي شفاف او ممكن ابيض ..




ليش طيب وش فرقت ؟

لانو مادة التركيز في العطور هي اللي ترفع سعر العطر

والعطور المعبأه للاسف تكون اقل تركيز واحنا اذا مآكآن العطر مركز

تقوم الدنيآ وتقعد ومآنرضى نعتبرهآ اهآنه في حق عطورنآ الموقره



نكرر اذا فيه استكر ثاني على الرقم التسلسلي ماهو اصلي ،،،

واذا مطبوع ومافيه استكر فهوا اصلي > طآشرين >> يعني شآطرين

يعني استكر الشركه يجي مطبوع وماينزع ابد



للي يشترون عطور بتعبئه او مقلده رخيصه ..

بنآت انتبهو حبيبآتي شوفو وش مضآرهآ - سبق وجآني ايميل

مقطع من برنآمج في قنآة العربيه عن خطورة العطور المقلده !!


عملو درآسات عليهآ واكتشفوا انهآ تسبب في كثير من الأمراض الخطيره


وش امرآضه يآكآفي ؟؟!!


هذي الامرآض اللي ممكن تجينآ بعيد الشر عنكم :

الاكزيما
وحب الشباب
والحساسيه الجلديه الحاده والمزمنه
والعقم
ومآخفي اعظم !
وفيهآ نجاسه تكرمون > مشفر
بس هذي عشآن اللي يشترونهآ يتجنبونهآ
حفآظاً على سلامتهم > تسمع ببرنآمج سلامتك



طيب انا الحين لارحت اشتريلي عطر كيف اميز بين الاصلي والتقليد ؟!



المقلدة /

- لون العلبه يكون فاتح، يقصدون درجة اللون
- ويكون لون الماركة الملصقة على العبوة فاتح بعد
- يعني الكرتون والكلام اللي عليه يكون فاتح درجة لونه


- تكون ريحتها قوية لحظة رشها بس
- و تروح بعد كذآ ، لانو نسبة المذيب أكبر من العطر
- و تستمر ريحتها لعدة دقائق بس




بعض أنواع العطور المقلدة تسبب الحساسية

في جلد الإنسان نتيجة التركيبة السيئة



افضل لك تشترين عطرك من محلات كبيره ومعروفه

قزاز – بآريس جآليري – فيسيز – المصبآح > امي تقولكم فيسيز نصآب

بس هذول وكلائها يعني معروفين مآيحتآج

برضو مآيمنع انك تتفحصين عطرك تجنباً للغش





طيب نجي نشوف الأصلية /

- لون العلبه غامق،

- وعند رش العطر تكون رائحتها قوية،

بحيث تستمر الرائحة لفترات طويلة.

- بعد 24 ساعة تبقى آثار الريحة موجودة في الملابس

- أما العطر الشرقي الأصلي فغالبا يسبب بقعة على الملابس تتلاشى تدريجيا



معلومه تهمك :

- الأنف هو العنصر الأساسي في نجاح العطور وتصنيعها من قبل المتخصصين في مجالها

- ويشبه المحترفين في صناعة العطور الأنف باللحن الذي يتألف من ثلاثة خطوات:

البداية – المنتصف – النهاية ، تماماً مثل مراحل تبخر البارفان المختلفة الثلاثية ..

- تستخدم العطور في بعض المنتجات الصناعية الأخرى

( من الدهانات والمنظفات لإخفاء الروائح النفاذة )




* حقائق متعلقة بالصحة:

- ينصح الأطباء مرضى الربو أو اللي فيهم حساسية الابتعاد عن المنتجات العطرية

( لما تسببه من صعوبة في التنفس أو تهيجات للجلد )


الطريقه الصح في رش العطور :



- رشي العطور في الهوا بحيث يتسآقط الرذآذ

- لا ترشين العطور على الملابس المصنوعة من الحريرلانهآ بتبقع > اسألي مجربه


- تختلف روآئح العطور من بنت لبنت


والسبب يرجع لـأيش ؟؟؟

أ‌- نوع الطعام.
ب‌-نوع الجلد.
ج- إفراز العرق.


- البنت اللي يكون نوع جلدها دهني من الأفضل أنهآ تلجأ للعطور القوية

بعكس البنت اللي بشترهآ تكون جآفه


- تظل رائحة العطور على الجلد الدهني لفترة أطول عن أنواع الجلد الأخرى,

اذا بشرتك جافه حطي فازلين او زيت بيبي جونسوون

ادهنيه على جسمك قبل ماترشين العطر ..


بعض البنآت يسألون عن طرق لتثبيت العطر على الجلد

واذكر وحده سألتني هالسؤال وقالت اني قلت لهآ طريقه

بس مااذكر اني قلت طريقه في العطور يمكن في اللوشنات

بس انا يمكن لان بشرتي دهنيه فيثبت العطر مده اطول



تعالو نشوف اسبآب ثبآت العطر :


اللي تخلي بعض البنآت يثبت العطر عليهم اكثر من غيرهم بدون طريقه معينه !!

* أفضل الأماكن لوضع البارفان على الجسم:

- خلف الرقبة على الجانبين.
- خلف الأذن.
- الكوع من الداخل.
- على الذراع.


نصائح متنوعة:



للي تبغى عطورهآ مآتتبخر ولاتتغير الوآنهآ او ريحتهآ

تحطهم في مكآن بآرد بعيد عن أي مصدر حرآري



- إذا انتي تحبين العطور بس مآتقدرين تستخدمينهآ
لأسباب مرضية مثل الحساسية

ممكن ترشين العطر في امآكن ثآنيه
مثل الشنط – الشعر – الملابس بحيث تكون بعيدة عن الاتصال المباشر بجلدك



- إذا تبغين تختبرين حساسيتك من العطر
رشي شوي على المعصم أو الكوع من الداخل
أو على ظهر اليد / الذراع بتطلع لك نتيجه بعد ربع سآعه

* نصيحه /

- لا تختبرين أكثر من أربعة روائح في وقت واحد




* اسرار :

نعرف انه العطور شي منعش مثل الاكسجين
احنا في اجوآء حآره جداَ > لاحضو مآدخل الصيف

حآولي تجربي تدلكين جسمك بعد الحمام بقطعة من القطن مغموسة بعطر تحبينه


اسمعو ليش ؟

هالشي يعدل من حرارة جسمك
ويقيكِ من ضرر الانتقال من جو الحمام
إلى الجو الخارجي البارد | اول مره اسمعهآ



العطر ونوعية بشرتك :

حطي في بالك ان البشرة الجافه تمتص الزيوت في العطور
عشآن كذا تروح ريحة العطر بسرعه بالنسبه للي جلدهآ جآف
أما البشرة الدهنية تحتفظ بالعطر مده اكثر


العطور في الصيف


في هالفصل يكون الجلد مليآن بالحمضيات والدهنيات في الجو الحار ,
ذكرت انه كل ماكانت البشره دهنيه كل مآكآن ثبآت العطر اقوى

وأما الحمضيات تخليه اكثر قوه
عشان كذا من الأفضل انك تستخدمين عطور خفيفه في الصيف لانهآ رآح تصير قويه وثآبته

فمآ بآلك لو استخدمتي عطر قوي رآح يثبت مده اطول وطول

عشآن كذآ بعض البنآت يستغربون لمآ نفس العطر يستخدمونه
في اوقآت واوقآت ويقولون اول كآن يثبت والحين عآدي او تغيرت ريحته !.؟

فهذي هي الاسبآب اللي تخلي العطور تتغير ريحتهآ وثبآتهآ
ولاتنسون احنا في عز الحر يعني لو استخدمتي عطر خفيف
رآح يصير اقوى في هالفتره لان جلدك راح يفرز الماده الدهنيه في الصيف


عطرك يشبه شخصيتك :


البنات الصغار دآيم يناسبهم العطر المصنوع من ريحة الزهور
أما الشابات و الأكبر سناً تناسبهم العطور الأثقل والأقوى

أما العطور المعتمدة على الأعشاب الخضراء تناسب الشخصيه الرياضيه
( بس مش قآعده ) لانه كثير منآ يحبون روآئح اليآسمين والورد والازهآر > مو منهم



العطور والاكل :



لا تحطين العطور بعد مآتآكلين اكل حآر
مثل البصل والثوم والسمك والكاري
كل هذي الأنوآع توصل للبشره بسرعه
وتأثر على ريحة العطر ويطلع يعع




العطور ما لها وما عليها :

لاترشين العطر على أي مكآن يكون معرض للشمس
هالشي يتسبب في ظهور حساسية شديدة بالجلد | بعض الناس مو الكل !!



اختبآر الحساسيه :


عشآن تعرفين اذا كآن العطر هو السبب في الحسآسيه
فيه اختبارات حساسية تجرى على الجلد،

بحيث يوضع لاصق طبي "بلاستر" يحتوي على مواد العطر على الجلد
وخصوصاً خلف الظهر لمدة 48 ساعة،

بعدها تشوفين إذا فيه تفآعل او لا ؟
وتكون هذه الاختبارات تحت إشراف طبيب متخصص في الحساس
( يعني مو في البيت تسوينهآ )

ـ شيكي على تاريخ صنع العطـر المطبوع على قآرورة العطر

ـ لاتعرضين عطورك لدرجات الحرارة المرتفعة والاضآءه القويه

ـ مآ تزيد مدة احتفآظك بالعطر عن 3 سنوات

ـ مآترشينه مباشرة على الجلد لانه يسبب بقع

ـ امزجي بعض العطور مع بعضهآ ( هالشي بيعطيك ريحة عطر جديده ) مجربتهآ

ـ ومو شرط العطر اللي تحطينه يناسب غيرك بعض الروائح ماتنفع للصغار في السن

ـ تأكدي من العطر مركز او لا ؟

ـ العطور المركزة تستخدم عادة بكميات أقل،

وبأماكن محددة (خلف الأذنين مثلا وعند الرسغ )


- أما العطور العادية ترش على جميع الأماكن بعد تجربتها


انتبهي ترشين العطر على الملابس البيضاء،
خاصة إذا كان العطر فيه لون



اخيرا وليس آخراً :

لاتقربين العطور جنب الافران أو الدفايات أو الحمامات،
عشآن تحآفظين على خواص العطر المميزه



كيف تختارين عطرك المناسب ؟

مهم انك تختارين ريحة العطر القريبه لك او اللي تدورين نوعيتهآ ,


لمآ تشترين عطر تشمين عدة روائح عشآن تختارين
وغالباً ما تواجهك مشكلة اختلاط الروائح > واللي دآيم تصير لنآ


واذا عجبك عطر لاتستعجلين خذي منه علبه صغيره مبدئياً
واذا عجبك مره ارجعي اشتري الحجم الكبير ,,
لانه سبب اختلاف الأحماض اللي يفرزها الجلد، ممكن يتغير ويطلع مايعجبك



العطر المناسب في المكآن المناسب :

لكل وقت عطره اللي يتناسب معآه
في الصبآح من الافضل انك تستخدمين العطور الخفيفه
واللي تتكون من الزهور او اليآسمين او الفواكه
اما في الليل يفضل استخدآم عطر ثقيل وقوي
( وبرضو مو قاعده لان كل وحده مثل ماتحب هي )


* خطوات لحفظ العطر مده اطول


نصيحه اذا كنتي مسافره وعندك عطور كثيره

حطيهم بصحن زي كذآ ودخليهم الثلاجه



والافضل انك تلفي عطورك في فوط صغيره واحد واحد

ورصيهم في الثلاجه زي في الصوره


هالطريقه بتحافظ على ثبات العطر ومايتبخر او يتأكسد مع الحر

وحتى في الشتاء سوي هالحركه كل مابرد العطر كل ماكانت ريحته اقوى واثبت



* تذكري :


لاترشين العطر على الملابس بشكل مبآشر رشي عليه من بعيد

عشآن مايبقع ويخرب عليك ملابسك او رشيه على جسمك قبل تلبسين



نصيحه اذا جربتي ثلاث عطور راح تضيع حاسة الشم عندك

ومابتميزين بين العطور يفضل تجيبين معاك قهوه تركيه ( استنشقيهآ )

هالشي راح يعيد لك تركيزك في ريحة العطر



تذكري اذا اشتريتي عطر جديد خذيه وحطيه في الثلاجه

لمدة ثلاث ايآم بعدين طلعيه وحطيه في دولابك او مكآن بعيد عن الانوار

جربي استخدميه بعد كذا وشوفي كيف تثبت الريحه ..




بعض البنات اذا شافت ماركة عطر غاليه مره تشتريه

بس عشانه غالي من غير يهمها الريحه

( تذكري الاهم ريحة العطر مو سعره )



تذكري انك ماتطلعين من البيت وريحتك تفوح عطر

قال الرسول صلى الله عليه وسلم :

{ أيما امرأة أصابت بخوراً فلا تشهد معنا صلاة العشاء }

فما بآلك بالسوق ...





الي هنآ خلصت موضوعي

الموضوع كان مبسط ومختصر والعذر والسموحه عالقصور

حبيت اوضح معلومات مهمه يمكن يجهلها بعضنآ

احفضو الامانه ( عند نقل الموضوع يرجى كتابة رابط الموضوع الاصلي )

او كتابة المصدر شاكره لكم ,,


اشوفكم على خير .





















الرجوع الى أعلى الصفحة اذهب الى الأسفل
 
موضوع مميز: ¯ˉ”—ـ…‗_●♥ وما أنتِ كسواك من كل زجاجةٍ مُلئت سائلاً ♥●_‗…ـ—“ˉ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جـروحي :: ღ جـــروحي للأقسام الاسرية والصحية ღ :: ₪|[ كلام نواعم حواء ]|₪-
انتقل الى: