منتديات جـروحي
ضيفنا الكريم :

-- يسعدنا ويشرفنا إنضمامك إلينا --


أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل [URL="http://6rooh.ahlamontada.com/profile.forum?mode=register"]بالضغط هنــا[/URL]




منتديات جـروحي

اهـلا وسهــلا بكــم فـي منتـديات جــروحي
 
الرئيسيةالتسجيلدخول

شاطر | 
 

 للمناقشات .....؟

اذهب الى الأسفل 
كاتب الموضوعرسالة
عبدالله العنزي
مشرف القسم العام
مشرف القسم العام
avatar

عدد المساهمات : 425
تاريخ التسجيل : 23/06/2010
العمر : 33

مُساهمةموضوع: للمناقشات .....؟   الأحد يوليو 25, 2010 3:14 am

مرحبا شباب وبنات {{ صباحكم..مساكم..مثل العسل صافي..}}




ليش الكل يطالع السعوديه بـ انها الي الان دوله متخلفه عن باقي دول العالم.. هل لان هذا صحيح ام ما يرونه غلط...؟

ليش الي الان ما نعترف بالقوانين الدوليه.. لان قعد نشوف ان اغلب الشعب يجيب قوانين من راسه ولا يهتم

ليش ما نطالع غيرنا وين وصل واحنا الي وين قعد ننزل.. بسبب العادات والتقاليد الـ غير صحيحه

يعني خلوني اتكلم شوي بالعاميه عشان الكل يفهم

انا شنو اقصد..

بتكلم اول شي عن النظام الجديد هو نظام حلو وله فوايد كثيره

بس المشكله ان لا الدوله عرفت شلون اطبقه ولا الشعب قبل بالنظام هذا

فـ اصبح الكل متهور بـ قرارته المواطن يشتكي من كثر المخالفات

والحكومه تصدر قوانين وقرارات قبل ان تدرسه بطريقه صحيحه

فـ ـ هذي اشياء تضر المواطنين يعني نتكلم بالعقل

الحين يوم الحكومه حطة نظام الساهر ما طبقته عدل بتقولي {{ ليــش }} انا اقولكم

اول حاجه والمعروف عند اغلب دول العالم الي تستخدم النظام هذا تستخدمه عن طريق الاشارات والتنبيهات

من قبل الافتات المعروضه فـ الشوارع العامه شنو بيصر يعني لو المرور يحط لوحه ويكتب فيه.. {{ انتبه امامك كاميره }}

بتخسر شي يعني الحمدالله الحديد واجد بدال لا يكثرون مو لوحات امامك تحويله الي ما تفارقنا طول الطريق

يحطون لوحه تنبيه وربي انها بتفيدهم وبتفيد الشعب نفسه

بس ما شاء لله عليهم المرور يحبون يزرفون الشعب ولا هم حاسين بالذنب والكل منهم ينفض شليله ويقول انا مالي شغل هذي قوانين الدوله

والدوله الله يعينهم ما يدرون يطالعون منو ولا منو يطالعون المرور ولا البلديه والا تخطيط المنشأت ولا.....الخ..

الحاجه الثانيه الي بتكلم فيها..

ليش المواطن او المواطنه السعوديه لا سافر الي دوله عربيه يحب يبرز نفسه ويبين للكل ان سعودي

مو بحترامه او بحاجه ايجابيه تجعل منه انسان ذو قيمه لا بالعكس يبرز نفس في ماديته ولا قلت له تره

هم يضحكون عليك ويشجعونك بكم كلمه ويقعدون يحيونك ويحيون بلدك عبالك حب لها او لك لا يا دلخ

هم يسون كذا عشان يأخذون الي بجيبك وعقب يشوتونك للبلدك وانت ما تقدر تتنفس لو بكلمه وحدك

وبالاخير محد يطلع خسران غيرك والله العظيم يا شباب وبنات اني اعرف ناس يسافرون الي دول عربيه

يقطون 20 او 30 الف اريال سعودي ويرجعون يالله يحصلون حق تذكرة الرجعه بذمتك هذا مو غباء يعني لو نتكلم

بـ صراحه منو فينا يمد حق ابوه او امه او احد من اخوانه 10 الاف لا كان معا 20 الف نادر ما نحصل ناس نفس كذا

بس لو قلنا حق اغلب الشباب السعوديين يالله نقط عشان نطلع نفله ونقط فلوسنا في احد المراقص كان الكل فيهم قال ياللـه قدام..

واذا بنتلكم على البنت فـ هي عندنا صارت مثل الاجنبيه بـ سعوديه يعني البنت السعوديه لا سافرت تبدأ تغير حياته يعني من بعد عبايه وغشوه

تصير جينز وملفع اذا كانت شوي مستحيه بس ممكن لا اخذت على الوضع تقط الملفع بس المصيبه لا شافت مواطن سعودي تقوم تركض ادور غشوتها

يعني شنو الاجانب الي يشوفونج مو رجال يعني شنو العقليه الي عندج الي تخليج تفكرين بـ طريقه هذي..

مره صار معاي موقف هني بـ سعوديه جيت بدخل الاصنصير وانا مستعجل فـ ما كنت منتبه منو داخل فـ على طول مديت رجلي وفتحت الباب قبل لا يسكر

فـ يوم دخلت لقيت بنت سعوديه قعد تكلم تلفون وكان موجود بـ الاصنصنير 2 اجانب والي نرفزني انها كانت مكشفه وعادي ويوم شافتني دخلت على طول نزلت الغشوه

فـ وربي محد فكها من الساني غير السكرتيه الي بالمجمع {{ ابي رايكم بالبنت الي نفس كذا }}

الحاجه الثالثه وهي العادات والتقاليد الـ غير صحيحه..

يعني الي متى وحنا نرجع وراى انا ما اقول ان عادتنا تقاليدنا شي غلط

لا وربي نفتخر احنا بـ عادتنا وتقاليدنا بس قعد نشوف اشياء زادة عن حده

يعني اقرب مثال وأول مثال نبي نتكلم عن المراه في المجتمع السعودي

وشلون مهظوم حقه وهي تعتبر عنصر اساسي في كل دوله وفي كل مجتمع

ويكفي انها هي نصف المجتمع فـ ليش احنا نعاملها عكس باقي الدول الي يعاملون المراه عندهم

ومن الامثله الي المراه ما مأخذه كامل حقوقه فيها هي عدم رويتها كـ انثى واحتراما واحترام قرارتها

فـ اغلب اولياء الامور يستخدمون بناتهم سلع يستفيدون منها ولا تقولون مو صحيح اكيد انتو سمعتو او شفتو

عن بعض القصص الي تصير حق بنات سعوديات وهن صغار في السن وما عاشن حتى سن الطفوله

فـ تلاقي ولي الامر بايع بنته حق اول رجال يجي يخطب ولا سالته ليش يقول ما اظمن نفسي اعيش بكره فـ عشان كذا بزوجها بدري عشان استر عليها {{ رد قبيح من انسان اقبح }}

بعدين نبي نتكلم على الموظفات وعلى الناس المعارضه على توظيف الموطنات السعوديات في الامأكن المختلطه مثل المستشفيات فـ تلاقي الابو او الاخو يعارض ان اخته او زوجته تتوظف بالمستشفيات

والي ينرفزني اكثر ان بنفس ما يرفض ان اخته او زوجته تتوظف ويرفض ان دكتور يكشف على وحده فيهم فـ شنو الحل يعني لو انا رافض وانت رافض وهذاك رافض فـ منو الي راح يعالج بناتنا وخواتنا ...الخ

فـ الي يذبحني اكثر الزوج تلاقي الزوج يتزوج وحده موظفه ممكن يكون طمع او شي يشبه المصلحه هذي او ممكن يكون حب انا ما احط بذمتي هالشي بس لو تلاحظن انه بعد فتره يتغير

يقوم يتنرفز لا شافها طالعه الدوام يقوم تبدأ عند الغيره والوسوسه يبدأ يشك فيها فـ تبدأ هني المشاكل والتوترات فـ تلاقي الزوج يشد من جهه والزوجه كذالك فـ بتشوفونهم حبه حبه العلاقه بينهم

صارت كلها توترات بشكل اوفر وشحنات بالبيت تكون زايد فـ بالاخير ما راح يكون هناك حل غير ان يطلق,, قال اللـه تعالى {{ ان ابغض الحلال عند الله الطلاق }}..

فـ هذي من اعظم المشاكل الي تعيشه المراه السعوديه وتتضايق منها فـ تلاقي معظم البنات يلجون الي شغلات هم ما كانو محتاجينه بس الظغط الي صار فيه حدهم انهم يلجون الي شغلات سلبيه

تسلب منهم الاشياء الحلوه الي كانو يتمنون انهم يأخذون وهم في ديرتهم ...

والمثال الثاني هو شغله غريبه نشوفها عند بعض الشياب والبعض من الشباب فـ من الامثله هذي اكيد سمعتو بـ دورة التعداد السكاني والمواقف الي صارت مع الموظفين..

من المواقف الي صايره ..

واحد من موظفين التعداد السكاني طق جرس بيت شخص في عرعر فـ يوم طلع له الولد قال له انا من موظف التعداد السكاني وابي اعرف اسامي الاشخاص الي يسكنون البيت اذا تقدر تجيب لي كرت العائله فـ بكون شاكر

لك فـ الولد قال له حاظر فـ يوم راح وجاب الكرت فـ قعد الموظف يناظر الكرت ومستغرب تدرون الولد شنو مسوي ماسح اسامي خواته وامه من كرت العائله بمزيل عشان الموظف ما يعرف اسماهم

ههههههههههههههههههههههه

بذمه فثي ناس الي الان كذا تفكر يعني منو يظل يخبي اسم خواته او امه على الدوله يعني الي مثل هذا تتوقعون ان انسان متعلم ودارس وعنده خبره بالحياه

ولا واحد حوطي جاي من صحراء ما يعرف شي...؟

بصراحه اخذني الوقت وانا اكتب ولازم اطلـع وان شاءاللـه في تكمله للموضوع..

ااتمنى الكل يقول رايه فـ الموضوع من انتقادات فـ انا كتبته عشان نتناقش مع بعض ونأخذ ونعطي

تقبلو مني كل الود والاحتراااام..









الرجوع الى أعلى الصفحة اذهب الى الأسفل
نسيت انساك
مراقب عام
مراقب عام
avatar

عدد المساهمات : 202
تاريخ التسجيل : 02/05/2010

مُساهمةموضوع: رد: للمناقشات .....؟   الأحد يوليو 25, 2010 3:55 am

يعطيك العافية اخوي
بس احب اقول الشر يعم والخير يخص
ومن ناحية ساهر انا معه بلعكس عندك شعب ماينعطى وجه ومايجي الى كذا
ومن ناحية السعودي يبرز نفسة اذا سافر هذي عينات قليلة ولا تعم على الشعب بالعكس شعبنا فاهم بس فيه ناس ناقصه تحب تكمل نفسه في اي شي ثاني واقول ناس قله
ومن ناحية البنت والله راس ملها بنت شوراع يعني الاجانب مو رجال خيرررر [ندعوك للتسجيل في المنتدى أو التعريف بنفسك لمعاينة هذه الصورة] مالومك
ومن ناحية الي يزوج بنته (يبيعها) الان الناس ياخوي عبدالله ماتسائل عن دينك واخلاق خلاص الان كم عندك وش سيارتك للاسف والله مادري وش اقووول لاتعليق
واقول باالاخير في ناس فيهم خيرر والدنيا بخير
ويعطيك الف عافية وتقبل مرررروي [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
عبدالله العنزي
مشرف القسم العام
مشرف القسم العام
avatar

عدد المساهمات : 425
تاريخ التسجيل : 23/06/2010
العمر : 33

مُساهمةموضوع: رد: للمناقشات .....؟   الأحد يوليو 25, 2010 5:22 am

يسلمووو على مرورك كلام منطقي

يعطيك العافيه ياخوي..
الرجوع الى أعلى الصفحة اذهب الى الأسفل
اميرة الورد
مشرفه قســــــــــم القصيد
مشرفه  قســــــــــم القصيد
avatar

عدد المساهمات : 298
تاريخ التسجيل : 10/06/2010

مُساهمةموضوع: رد: للمناقشات .....؟   الأحد يوليو 25, 2010 10:52 am

مشكور على الرطح الرائع
بدايه بنسبه لساهر انتقد فهناك أخطاء في التطبيق وتعجيل في التنفيذ إذ بدأ النظام قبل إعداد المجتمع وإنذاره بجدية التوجه ووضع العلامات المرورية ونشر برامج التوعية، مع أن الهدف من النظام هو حماية المواطن وسلامته وأمنه، إلا أن ما حدث سوف يدين المرور في حال شكاه البعض إلى القضاة. كما أن في مضاعفة العقوبة -على ما أظن - محاذير شرعية لا تجوز ناهيك أن هناك مرضى ومسافرين وجهلة وعجزة وفقراء قد تثقل هذه الرسوم كاهلهم، ولذا أتساءل هل أخذ المسؤولون عن تطبيق النظام هؤلاء في الاعتبار؟ نحن لا نريد أن يتحول الهدف النبيل من النظام إلى أسلوب قاس يولد الحقد لدى أفراد المجتمع فالهدف ليس جباية أموال وهذا ما غير الكثير وآثار مشاعر المواطنين
أعود لأقول بأننا بحاجة إلى نظام صارم فما نفقده من شبابنا وأبنائنا كل عام أمر يندي له الجبين، لكن فلنبدأ أولا بالتوعية وإعطاء الناس الإرشادات ونحذرهم بأن النظام سوف يبدأ اعتبارًا من شهر......على أن تدفع المؤسسة المستفيدة من العقوبات تكاليف الإشارات
والرموز والعلامات المرورية قبل التطبيق، وإخبار السائقين أن أمامهم أجهزة مراقبة فالهدف حصول المطلوب وليس اصطياد الضحية

بنسبه للسعودي الي يحب يبرز نفسه بنسبه لي انا اشوفها تفاهه وتصيرررررر كثير بعد وكلامك كله صحيح

اما بنسبه للتزويج البنات الصغيرات اكثر شي يغيضني..

واكثر شي..يحزنني..عندما ارى الفتيات الصغيرات..

اصبحوا سلع..لتجار تجردوا من الابوة...وقبلها من الانسانيه..!!!

والاسباب..


اولها الفقر...
اب يسعى لغيض طليقته..
اب ظالم يريد التجرد من المسؤوليه..
ووووووووووووووووووو

تعددت الاسباب..

والضحيه واحده...


عذرهم عندما تسألهم..

ان الرسول اللهم صلي وسلم عليه..كان..وكان..

وهل تشبهون انفسكم بسيد الانبياء وخاتم المرسلين...!!!؟

شي عجيب والله..

ان تكون شهواتهم وقلة عقولهم ..تقارن بما كان يفعله رسول الله ..

لا يوجد حل مادام بالدنيا اب ظالم..وام ساكته عن الحق..
ورجل تدفعه رغباته لنيلها..بكل طرق جائزة وغير جائزه...

قصص تؤلم وتحزن القلب..

وكل يوم نسمع جديد..الظلم..


اللهم لا تأخذنا بما فعل السفهااااااااااااء


اما بنسبه لخلع الحجاب في الدول الغربيه


هذي نتيجه فهم العولمه بشكل خاطئ

ونتيجه تاثر كثير من بناتنا باللي يشوفونه من وسائل الاعلام

من قضايا تحرر المراه وماواتها بالرجل وانه الحجاب او العباءه

تعتبر عائق للمراه خصوصه هالايام و كثرت

النقاشات ونبذ كل متحجبه بدول الغرب

كل هذا ادى الي ترسيخ فكرره البسي عبايه يابنت عيب

واذا سافرنا بالصيف ابشري احرقها لك

بس لاتفشلينا ؟!!!

ومانلوم البنت وحدها نلوم اهلهااللي ماعرفوا

كيف يفهموا بناتهم

كيف ان العبايه هاذي جوهررهثمينه لازم نحافظ عليهامن العوامل الخارجيهكيف؟!! اكيد بتغطيتها بشكل صحيح


بنسبه للموظفات


مثلاً لقد قال المعارضون لقيادة المرأة للسيارة إن ذلك سيؤدي بلا شك إلى انحرافها

ولكن الواقع والتجربة الحقيقية وليست المتخيلة أثبتت عكس ذلك. داخل السعودية يقود عدد كبير من النساء في القرى والهجر، وفي الخارج عدد أكبر من السعوديات يقدن بطريقة نظامية ولم تتحقق كل هذه المخاوف من موجة انحلال أصابت السعوديات.



ذات الشيء حدث مع عمل المرأة السعودية في المستشفيات مثلا حيث رفض المعارضون هذا العمل متعذرين بذات المنطق تقريباً الذي يقول إن ذلك العمل الذي ستختلط فيه مع الرجال سيكون سبباً في انزلاقها في الراذئل.ولكن الواقع أثبت مرة أخرى، وبشكل لا يمكن إنكاره، أن كل هذه الأفكار المخيفة التي تم شحن المجتمع بها، وحرمت الكثير من النساء وعائلاتهن من وظائف جيدة، كلها كانت أفكاراً فارغة ولم يتحقق أي شيء من توقعاتها



وكل هذا حدث مع قضايا كثيرة جدا تخص المرأة أي إننا لو استخدمنا المنطق العقلي سنعرف أن المرأة السعودية مثل كل نساء العالم تريد أن تحس بحريتها وكرامتها وتعمل وتنتج وتساعد عائلتها وكل الكلام عن انحرافها مجرد اتهامات فارغة



بنسبه للتعداد ههههه

لازم نتعاون مع التعداد ونعطيهم الاجوبه الصحيحه ومهما سألو
نجاوبهم صحيح لانه رسول فقط وما على الرسول الا البلاغ



.................... واخير خلصت وررررربي راسي صدع من الكتابه عاد انشاء الله اكون بيضت الوجه ههههههه
. [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

تقبل مرررررررررروري [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
عبدالله العنزي
مشرف القسم العام
مشرف القسم العام
avatar

عدد المساهمات : 425
تاريخ التسجيل : 23/06/2010
العمر : 33

مُساهمةموضوع: رد: للمناقشات .....؟   الأحد يوليو 25, 2010 9:42 pm

يعطيج العافيه وما تشوفين شر ان شاءاللـه

الله يعين الكيبورد عليج شكله قام يصيح ههههههه

كلامج كله واضح وحلووو فـ اتمنى الكل يستفيد

ويعرف الصح من الغلط وبلاش نرجع الى وراه اكثر من كذا..
الرجوع الى أعلى الصفحة اذهب الى الأسفل
Admin
Admin
Admin
avatar

عدد المساهمات : 584
تاريخ التسجيل : 07/04/2010

مُساهمةموضوع: رد: للمناقشات .....؟   الإثنين يوليو 26, 2010 5:55 am

يسلمووووووووو على طرحك المفيد اخ عبدالله وبنتظار الجديد منك ان شالله
الرجوع الى أعلى الصفحة اذهب الى الأسفل
http://6rooh.ahlamontada.com
عبدالله العنزي
مشرف القسم العام
مشرف القسم العام
avatar

عدد المساهمات : 425
تاريخ التسجيل : 23/06/2010
العمر : 33

مُساهمةموضوع: رد: للمناقشات .....؟   الثلاثاء يوليو 27, 2010 6:44 am

يسلموو على مرورج

ولو انج مقصره بـ تعليق

لكن بتقبل مرورج..
الرجوع الى أعلى الصفحة اذهب الى الأسفل
 
للمناقشات .....؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جـروحي :: ღ جـــروحي الــعــامــة ღ :: ₪|[ آراء ونـقـاشـــات ]|₪-
انتقل الى: