منتديات جـروحي
ضيفنا الكريم :

-- يسعدنا ويشرفنا إنضمامك إلينا --


أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل [URL="http://6rooh.ahlamontada.com/profile.forum?mode=register"]بالضغط هنــا[/URL]




منتديات جـروحي

اهـلا وسهــلا بكــم فـي منتـديات جــروحي
 
الرئيسيةالتسجيلدخول

شاطر | 
 

 إيييه [ ضايق ] من غيابك ومات فيني الإحتمال

اذهب الى الأسفل 
كاتب الموضوعرسالة
نسيت انساك
مراقب عام
مراقب عام
avatar

عدد المساهمات : 202
تاريخ التسجيل : 02/05/2010

مُساهمةموضوع: إيييه [ ضايق ] من غيابك ومات فيني الإحتمال   الثلاثاء يوليو 27, 2010 2:03 am

غيمه مرَّت في حياتي .. والرَعَد خوَّف غزال ..
وضاقت الدنيا بـ عيني يا بعد كل " الغوالي " ..!







رحت أدَوْرِك في جنوبي لين وصَّلت الشمال ..
والمصيبه .. إنَّ { قلبي } ما هَرَب منّك وجالي !




هذا آنا .. اللي دوَّرتك وعاااندت " المُحال " ..
ما لقيتك ! وينك إنت ؟! ما لقيتك يا منالي !




إيييه [ ضايق ] من غيابك ومات فيني الإحتمال ..
بس تأكَّد هذا حظي .. وهذا في دنياي فالي ..!



ما شكيت إلا لـ حالي يوم عذَّبني الوصال ..
لمَّا دمَّرني غيابك .. جرحي الأسود طرالي ..!



أدري إنِّك ما تبالي .. و " غيبتك "أكبر مثال ..!
وشي طبيعي لو جرحني قلبك اللي .. ما وُفالي !



وتدري إنِّي مآتحرَّك شامخٍ مثل الـ " جبال " ..!
وماخضعت إلا لـ ربٍ وقت هالضيقه صفالي ..



ياللي تسأل عن جديدي و وين ودَّاني الخيال ..
تحسِب إنِّي بالقصايد أكتب إحساسي .. وأبالي ..



ما دريت ..! إنْهَا حرُوفي كلَّهَا ظيييم الليال ..
وكل قصيده في غيابك قلتَهَا , وآنا لـ حالي ..!



ما سمعها غير" قلبي " .. والله يا ولد الحلال ..
وإلا أنا ما جيت أكتب وآنا في دنياي سااالي !



جيت إلى شاطئ خيالي . . . زايرٍ قصر الرمال ..
وإنصدمت إنَّه تهدَّم ! لاحَرَس يحميه ..و والي !



ودِّي أكتب لك قصيده و ودِّي أرسم لك هلال ..!
صفحتين بـ إيد شاعر مُرهف إحساسه خيالي ..!



القصايد يا حبيبي هي ترى مثل : [ العيال ] ..
ومن رحلت بعيييد عنِّي .. قمت أتفقَّد عيالي ..!



وينّ ودَّتك الليالي ؟! هذا هو أصعب سؤال !
وما لقى قلبي إجابه . . . وين ودَّتك الليالي !



ترجف أيامي حبيبي وصارت الفرحه " محُال " ..!
بردك اللي ما رَحَمني.. شوووف منّه وش جرالي !



ما بقى أي شي [ غالي ] .. وضعت في كلمة ( تعال ) ..!
وما ذبحني غير إنِّك .. . . . . .يا بعد دنياي " غااالي " ..!



لا بغى يتركني قلبك .. تكفى وصَّهـ بالعدال !
إبعد شويَّه .. وإرجع .. وإبعد .. وإقطع وصالي ..!



ليه يعني في البدايه جيت . . يسْبقْك الدلال ؟!
وليه [ تتقهوى ] غرامي وتنثر بـ إيدك " دلالي " ..!



قلت لك : إنَّ المحبه , ما تْحشِم قَدر الرجال ..
لـ إستوى بعين { المحبَّه } الثقل ويَّا هبالي ..!



وقلت لك : نظرة عيونك من علامات الجمال ..!
إستغفر الله .. لا نظرت المُر صار المُر " حالي " ..!



وقلت لك : ما أبي أحبك .. وإنثنى راس العقال !!
قلبي عاندني وحبِّك ..وطااح من راسي [ عقالي ] ..!



تَحْسِب إنَّه زال حبك ؟! لا يا عمري " ما يزال " ..!
صعبه يتغيَّر مكانك . . . وإنت لي أوَّل وتالي ..!



الغنى .. ماهُو حصيلٍ من . . . دنانير ومال ..!
الغنى .. معناه شوفك يا حبيبي وراس مالي ..!



كيف أعزِّل عن ديارك وما قوى قلبي الرحال ؟!
ما صمل قلبي فراقك .. وكانت ديارك " رحالي " ..!



كيف أجاوب من سألني وآنا في حالة .. ضلال ..
وينه عنّك من تحبه ؟! والسؤال بصوت عاالي ..!



قلت ما أسمَع .. وعاد الكلمه مرَّاتـٍـ وقال :
لا إتّهَرَّبْ من سؤالي .. لا إتّهَرَّبْ من سؤالي ..!



وين ودَّته الليالي ؟! حيييل يحرجني [ السؤال ] ..
والمُصيبه إنِّي مدري ..! وين ودّتك الليالي !!


الرجوع الى أعلى الصفحة اذهب الى الأسفل
ماني على خبرك

avatar

عدد المساهمات : 37
تاريخ التسجيل : 25/06/2010

مُساهمةموضوع: رد: إيييه [ ضايق ] من غيابك ومات فيني الإحتمال   الثلاثاء يوليو 27, 2010 6:00 am

يسلمووو على الطرح الجميل .
تقبل مرووووري.
الرجوع الى أعلى الصفحة اذهب الى الأسفل
اميرة الورد
مشرفه قســــــــــم القصيد
مشرفه  قســــــــــم القصيد
avatar

عدد المساهمات : 298
تاريخ التسجيل : 10/06/2010

مُساهمةموضوع: رد: إيييه [ ضايق ] من غيابك ومات فيني الإحتمال   الثلاثاء يوليو 27, 2010 11:52 am

مشكوررررررررررررررر نسيت انساك
على الطرح الرائع والكلمات
الجميله اهنئك على اختيارك

كيف أجاوب من سألني وآنا في حالة .. ضلال ..
وينه عنّك من تحبه ؟! والسؤال بصوت عاالي ..!



قلت ما أسمَع .. وعاد الكلمه مرَّاتـٍـ وقال :
لا إتّهَرَّبْ من سؤالي .. لا إتّهَرَّبْ من سؤالي ..!



وين ودَّته الليالي ؟! حيييل يحرجني [ السؤال ] ..
والمُصيبه إنِّي مدري ..! وين ودّتك الليالي !!


تقبل مروووووووووووري
الرجوع الى أعلى الصفحة اذهب الى الأسفل
عبدالله العنزي
مشرف القسم العام
مشرف القسم العام
avatar

عدد المساهمات : 425
تاريخ التسجيل : 23/06/2010
العمر : 33

مُساهمةموضوع: رد: إيييه [ ضايق ] من غيابك ومات فيني الإحتمال   الثلاثاء يوليو 27, 2010 9:27 pm

ياخي انت انسان مبدع وربي

عندك خيال واسع اهنيك على الشعور هذا

واتمنى الجديد يكون ممائل او اجمل

فـ انت دائما تتحفنا بـ ما هو رائع ومميز عن الغير..

تقبل مروري..
الرجوع الى أعلى الصفحة اذهب الى الأسفل
 
إيييه [ ضايق ] من غيابك ومات فيني الإحتمال
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جـروحي :: ღ جـــروحي للأقسـام الأدبية ღ :: ₪|[ همس القوافي والقَصـائـد ]|₪-
انتقل الى: