منتديات جـروحي
ضيفنا الكريم :

-- يسعدنا ويشرفنا إنضمامك إلينا --


أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل [URL="http://6rooh.ahlamontada.com/profile.forum?mode=register"]بالضغط هنــا[/URL]




منتديات جـروحي

اهـلا وسهــلا بكــم فـي منتـديات جــروحي
 
الرئيسيةالتسجيلدخول

شاطر | 
 

 الصرااااحه في الحب

اذهب الى الأسفل 
كاتب الموضوعرسالة
جرحي علمني اواجه
Admin
Admin
avatar

عدد المساهمات : 94
تاريخ التسجيل : 10/06/2010

مُساهمةموضوع: الصرااااحه في الحب   الأحد أغسطس 01, 2010 7:20 am


بصراحه يا جماعه انا طالب من كل واحد ووحده

انه يتكلم عن احلى حب معه والحب

الي وجعه بدون مايذكر اسامي

ويقلنا بصراحه وبدون خوف

ويقلنا كمان كيف اتعامل في الموقفين

الرجوع الى أعلى الصفحة اذهب الى الأسفل
اميرة الورد
مشرفه قســــــــــم القصيد
مشرفه  قســــــــــم القصيد
avatar

عدد المساهمات : 298
تاريخ التسجيل : 10/06/2010

مُساهمةموضوع: رد: الصرااااحه في الحب   الأحد أغسطس 01, 2010 11:16 am

طرح رائع وموضوع شييق [ندعوك للتسجيل في المنتدى أو التعريف بنفسك لمعاينة هذه الصورة]
بس بما اني ماجربت الحب فا مقدر ارد عليتس

تقبلي مروري
الرجوع الى أعلى الصفحة اذهب الى الأسفل
Admin
Admin
Admin
avatar

عدد المساهمات : 584
تاريخ التسجيل : 07/04/2010

مُساهمةموضوع: رد: الصرااااحه في الحب   الأحد أغسطس 01, 2010 11:41 pm

يسلمووووووو يسعدني ويتحفني مروركم على صفحتي
الرجوع الى أعلى الصفحة اذهب الى الأسفل
http://6rooh.ahlamontada.com
عبدالله العنزي
مشرف القسم العام
مشرف القسم العام
avatar

عدد المساهمات : 425
تاريخ التسجيل : 23/06/2010
العمر : 33

مُساهمةموضوع: رد: الصرااااحه في الحب   الإثنين أغسطس 02, 2010 2:47 am

بتكلم عن نفسي اول شي اشكرج على الموضوع هذا

هو موضوع يعطي الشخص الحريه يقول الي عنده

وبنفس الوقت يخلي غيره يستفيد من التجارب الي هو عاش فيه..

من يوم كان عمري 14 سنه وانا على قولة ابوي وامي ان شخص منحرف غير حتى عن اخواني

لان انا الوحيد الي اول ما طحت بـ شي اسمه غز وطلعات قبل اخواني وقبل لاتصير موضه عند الولد

الي يكلم بنت ويقعد يكشخ قدام ربعه ويقعد يهايط ويقول انا رفيجتي كذا وكذا ..الخ

انا كنت غير عن الجيل هذا صج اني كنت صغير سن بس كنت افكر بـ شغلات كبيره

كنت افكر شلون اسوي علاقه مع البنت وفكر شلون اخلي البنت تنسى الي حولها دام انا وياها شغلات من هالنوع

وانا الوحيد الي كان يهرب من المدرسه ويخلي اي وحده من رفيجاته تهرب معاه يعني كنت انسان منحرف

محد يقدر علي او بالاصح انسان فاااسد هههههه

بس عمري ما فكرت احب وحده فيهم تدرون ليش لان الي تعرفت عليهم الاغلبيه منهم خفيفة عقل

يعني بمكاني وبمكان غيري ان يفر راسـها بكم كلمه حلوه تخليو يعني تعطيها الرقم مني ثاني يوم

تقول لك تعال بيتنا يا قلبي بصراحه انا حبيتك ما اقدر على بعدك يا عمري

{{ بذمتك يعني الي مثل كذا تنحب اكيد بتقولون لا يعني انا ما ظلمتهم هم الي ظلمو انفسهم بتصرفاتهم السيئه }}

بس يوم دخلت بـ سن 18 وربي ان اليوم هذاك للدرجة ما هو حلو على حافظ التاريخ بظبط..

كنت بدق على واحد من ربعي من زمان عنه كان رفيجي ايام المدرسه..

فـ يوم دقيت اتوقع اني دقيت الرقم بالغلط فـ ردة علي بنت وربي يا شباب وبنات احس اني كل ما اتذكر الموقف

هذا يرجع صدى صوتها بـ اذني..

اول ما قالت الو وربي بدون شعور احس اذني ذابت على سماعه مو مصدق

وعاد انا من الناس الي يقول لا كان صوت البنت حلو فـ عرف انها عبده او جيكره

بس بنفس اليوم الي سمعت فيه صوت البنت ما طرء في بالي الي اني اتكلم معاه لو دقيقه مو اكثر

فـ كانت البنت شوي رسميه يوم قلت له هذا رقم فلان قالت لا اخوي غلطان وسكرت بوجهي Sad

وما قدرت اصبر ما ادري شنو صار فيني بوقتها حسيت ان البنت هذي غير عن الكل

وانا عمري ما كلمت او سويت علاقه مع بنت قبل لا اكون مرقمها بيدي مو شغل

شات او مسن او غلطان بالرقم..

ما اييد العلاقات الي تجي بطريقه هذي احس انها تسوي قلق بين الطرفين

وما ممكن يكون الاثنين بينهم ثقه كافيه يعني بعكس انك ترقم وحده تكون

هي راضيه فيك وانت كذالك طبعا انا اتكلم عن 7 او 8 سنين وره ما اتكلم بالوقت الحالي

يعني الحين البنت تأخذ الرقم سواء راضيه فيك او لا بس اهم شي انها تجمع ارقام وتقعد تلعب عليهم..

المهم بكمل لكم سالفة البنت هذي فـ ظليت ادق والي قهرني وبنفس الوقت خلاني اتمسك بالبنت هذي

انها رسميه حيل ومو من النوع الي بسرعه تلف راسها او تضحك عليه وهذا شي كان يعجبني بالبنت

لان الواحد يعرف لو وحده مثل هذي حبيتها بيتأكد انها ما ممكن تخونه بعكس البنت الي عقلها مثل الريشه..

للدرجة اني قمت اتحطم يوميا بس عشان اتعرف عليها وهي اول بنت الي حسيت اني حبيتها قبل لا اشوفها

ما اقول حبيتها ممكن اني حبيت شخصيتها وزنية عقلها وتفكيره..

فـ ظليت على المود هذا مع البنت سبوع وسبوعين وشهر وشهرين

الين ما طبقت سنه معاها وانا الي الان ما وصلت للشي بس كل الي كنت اعرفه

اني احبها اكثر لا قامت تتجاهلني لاتستغربون الكلام وربي هذا الشعور الي كنت احسه

وكان شعور حلو بنسبه لي اني احب بنت قبل لا تحبني وتكون بنفس الوقت رافضتني

بس ما ادري ليش كان نفسي طويل معاها ما مليت من تصرفاتها ما كنت اتضايق يوم اشوفها حاقرتني

وبعد سنه ونص قمت اتقرب منها اكثر واكثر بس للامانه كل ما حسيت انها بدة ترتاح معاي كنت احس

مالك الدنيا وما فيها وتره هذا كل وانا الي الان ما شفت البنت ولا اعرف عنها شي حتى اسمها

ما فكرت اني اسألها عن اسمها

بس قسم بالله اني عرفتها ثلاث سنوات وكانت هي كل طموحاتي ومجرد اني افكر فيها ارتاح نفسيه للدرجة اني

بديت احس انه صدري يسع الكون كله للخاطر اني اشوفها مرتاحه ومتهنيه وهي بالاخير قامت تبادلني نفس الشعور

وكانت هي كل شي بحياتي وبعد ما كنت اعاني ايام وايام وبعد ما كنت اشوفها

نجمه بسماء الكل يشوفها بس تصعب على اي شخص يوصلها فـ بديت احس اني انا الوحيد الي وصلتها

وتخيلو فوق هذا كله طبقت معاه 4 سنوات وعليها وبالاخير شفتها وكان شعور مو طبيعي بذاك اليوم تخيلو معاي

انك تحب شخص ويكون هو الوحيد الي شاغل بالك وتفكيرك ويكون هو الانسان الي تطمح انك تكون جالس معاه

وما تفرط فيه طول العمر كان هذا شعوري واول يوم لي اشوفها فيها وربي كان بو قتها عمري داخل على 22 سنه

يوم رحت للمكان الي هي جالسه فيه كنت احس اني انا راح اعرفها مجرد ما اشوفها وبدون لاهي تعرف بنفسه بس

للاسف خاب ظني ما عرفتها فـ ظطريت اني ادق عليها وعرف بلبسي وين ماني عشان تجيني..

ويوم جتني كانت بروحها ما كانت حلوه ذاك الحلا بس حسيت ان الكل عينه عليها للدرجة اني اول ما عرفتها

وربي على طول خذيتها وحظنتها كنت بجد يعني خايف عليها من الي يطالعونها وكانت تبادلني نفس الشعور للدرجة اني

حسيت بـ انها طفله وكنت حاظنها قوي كني حسبت حساب اني بطير مني وهي مستغربه ما توقعت مني هالحركه

بس قدرت وضعي لانها هي الوحيد الي كانت تعرف شكثر احبها وخاف عليها..

فـ مرت الايام واحنا يوميا نتقابل ونروح ونطلع مع بعض والكل كان عارف هالشي من اهلها واهلي

وكنا بجد يعني على ايامها كنت احلف وهي تحلف لي انه احنا اسعد اثنين بدنيا..

وكانت تقول لي وربي يا عبدالله {{اما معاك ولا حلاتي بقبري}}

وكنت اقول لها {{ اعرف تره لا صرت مو لي.. بعدك بعيش العمر بمليون ضيقه}}

وربي هذي كانت مسجاتنا والي اليوم هذا هي عندي ومحتفظ فيها..

وسمحو لي اني ما اقدر اقول لكم شنو كانت نهاية هالحب

لان بجد انا ما اتوقعت انها بتكون كذا..

اتمنى الكل يتأكد اني مابالغت بالكلام

وكل كلمه قلتها كنت صادق فيها

وان ما خشيت عليكم شي تراني ما زود ..

*الحب يستأذن المرأة في أن يدخل قلبها ، وأما الرجل فإنه يقتحم قلبه دون استئذان ،
وهذه هي مصيبتنا

*إذا كنت تحب امرأة فلا تقل لها (( أنا أحبك )) . .
إن هذه العبارة أوّل ما تجعل المرأة تفكر في السيطرة عليك

الرجوع الى أعلى الصفحة اذهب الى الأسفل
 
الصرااااحه في الحب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جـروحي :: ღ جـــروحي الــعــامــة ღ :: ₪|[ آراء ونـقـاشـــات ]|₪-
انتقل الى: