سوالف الشعب السعودي هههههههه

ترى مو كل متخرج من الخارج يعرف JWM يا حبيبي

كنا من زمان شلة وحدة وحبايب في حارة وحدة المهم ، تخرجنا من الثانوية كلهم كملو دراستهم بأمريكا ، وتخرجوا وجو للرياض ويشتغلون الأن في شركات كبرى في الرياض ، إلا انا مسيكين جالس بينهم متخرج من جامعة سعودية وموظف حكومي بالواسطة

دائما في جمعاتنا الإسبوعية يسولفون ويضحكون وانا مدري وش السالفة ، واذا سألتهم يردون علي بتعجب: معقولة ما تعرف

إلا ان اصبحت استحي أسألهم ، وصرت اسوي نفسي فاهم معهم ، اذا ضحكوا ضحكت معهم ، واذا استغربوا استغرب معهم، مرة كنت قاعد معهم ، واسمع سوالفهم ، يقول واحد منهم: مدير الـ HR عندنا مغرور وشايف نفسه والمشكلة ان إدارته لا تهش ولا تنش

يرد ثاني : ووين الـ MD ما يتدخل بينكم

الاول : مشغول باجتماعات ما تنتهي مع الـ C EO وحنّا متورطين مع جماعة الـ IT ، ما نقدر نتكلم معهم ابد

الثالث يشارك : أوه هذولا اشغل ناس دايما الـ KPI حقهم ضارب في العالي

الرابع : يا جماعة حنّا في الويك إند تكلموا في شي ثاني

أتنهد وأقول في نفسي: الحمد لله جاء دوري في الكلام وتوني أباابدأ ادخل بسواليف حلوه إلا

يسأل واحد منهم: وش أخبار الـ DF M

الثاني : تعبان، عشان ال IPO الأخير جاء على غير المتوقع، وما ربحنا فيه ريال

الأول : قلت لك أن هذا زمن العقارات

أقول في نفسي: العقارات؟ الحمد لله اعرفها ذي وتوني بقول الحديد رخص والعقار بينهار

يقول واحد: فيه فلل للإيجار في الـ JBR يا شباب

الثاني : طارت الطيور بأرزاقها

قلت في نفسي زين اللي ما قال TTB: طارت الطيور بأرزاقها هههههه

يقول أحدهم: اتركوا العقارات وخلونا نتكلّم عن الزحمة في الشوارع

أمس اعوذ بالله كنت بدبي،مستحيل الواحد يمشي بـ Rush hour وبدت الزحمة قدّام الـ DIC إلى بوابة سالك ، وأنا كنت في طريقي للـ DMC وبقيت ساعتين في زحمة شارع الشيخ زايد

يخلص الكلام عن الزحمة، ويناظرني واحد منهم ويقول:

ابو سعد ، إلا وش سويت ، ليش ما تاخذ الماستر في الـ MBA

أقول في نفسي: أكيد أنه يقصد الماستر كي ، بس غريبة وش دخل المفاتيح بالموضوع

بس تداركت ان الموضوع مش مفاتيح واني ضايع في هالمعمة

وما عرفت ارد ، وقلت : ما اقدر

رد ثالث : ما تقدر ، ليش- كم كان الـGPA حقك

يا ربي وش يقصد ، قلت المشاركة ولا فقه الخشة

أرد عليهم : ما اذكر، بس انه أوتوماتيكي

يضحك الجميع ويعتقدون أنني أمزح ، ويوم جا وقت العشا يقولون: مطعم هندي ، لا إيراني ، لا شامي ، قال واحد يا جماعة اشتقنا إلى الـ KFC ، كلهم وافقوا وقعدوا يناظروني ينتظرون رايي،

قلت: أنا باروح للبيت وأنتم روحوا للـ JWM

قالوا: وشهوا ذا JWM

قلت : معقولة ما تعرفون JWM

ورحت ولا علمتهم


شرح الاختصارات:

HR: الموارد البشرية

MD: المدير التنفيذي

CEO: الرئيس التنفيذي

IT: تقنية المعلومات

KPI: مقياس مؤشر الأداء

DFM: سوق دبي المالي

IPO: الاكتتاب

JBR: جميرا بيتش ريزدنس

DIC: مدينة دبي للإنترنت

DMC: مدينة دبي للإعلام

GPA: المعدل التراكمي

MBA الماجستير في إدارة الأعمال

KFC: كنتاكي


أما

JWM: جهنم وبئس المصير

ههههههههههههههههههههههههههه

ودمتم ..

يسلمووووووووووووووو اهبال خخخخخ بنتظار الجديد يالغلا

تقبل مروري

يسلمووو على تواصلكم الرائـع...

هههههههههههههه وربي تحفه خصوصا ذي
JWM: جهنم وبئس المصير تقبل مروري