Admin Admin
عدد المساهمات : 584 تاريخ التسجيل : 07/04/2010
| موضوع: يلعن امك صارت مدحه الإثنين أغسطس 02, 2010 12:15 am | |
| السلام عليكم ورحمة الله وبركاته ..
بصراحه فيه موضوع شدني وكمان احنا غافلين عنه من جد ..
ما تلاحظون إن كلمة [ يلعن أمك ] إنتشرت إنتشار غريب و مريب ..
وصار اللي يقولها عااادي جدآ .. كانه قايل
[ السلام عليكم ] ..!
و الأغرب إن اللي تنقال له عادي عنده ..!!
كيف ترضى على أمك ؟! و ليش ؟!
و حتى بعض البنات اللحين بالعكس صارت
عندهم يلعن أمك مدحه ..!!
أو هذا تعبير عن الحماس في سالفة ما !
مثلآ ..
يجي واحد يقول : والله أمس سويت كذا وسويت كذا ..
يجي الثاني يقول : يلعن أمك ياشيخ ..!!
و إذا قال له [يلعن أمك ] مدّ هالخشه شبرين كأنه قايل له شعر يمدحه ..!
و إلاّ بعض الشباب .. واحد يسأل الثاني :
وش رايك باللاعب الفلاني ..؟
يقول : يلعن أمممممممممه يلعب من جد ..!
طيب أبي أفهم .. وش دخل أمه بالموضوع ..؟!
للأسف الشديد إن الكلمة هذي منتشره عندنا إنتشار كبير .. و الآن حاصله مع الشباب في جلساتهم ..
فلان: وينك أمس يلعن أمك ؟
علان: أبد رحت مع فلان الله يلعن أمه .
فلان: ليه ماقلتلي إنك بتروح معه الله يلعن أمك أنت ويّاه ؟
علان: وش دراني إنك بتروح يلعن أمك !
فلان: ههههههههههههههههه .
علان: هههههههههااااااااي .
ولا كأنه صار شي !!
وللأسف إنها تقريبآ أكثر كلمة تنقال هالأيام .. وكم واحد تسأله عن هالكلمه .. بيقول لك : صارت عاده ..!
هذا جواب اقبح من ذنب ..
مافيه شي تتعود عليه وإنت تدري انه موب زين ولا تقدر تخليه ..!
يمكن إنت تغفل أو تتغافل عن الذنب اللي تحصله من هالكلمة ..!
بس لا تنسى و إنت تقول هالكلمة أنك تسوي شيء من الكبائر ..
أنت تخيلت معي ..؟!
كبائر الذنوب ..!!
صحّ عنه صلى الله عليه وسلم أنه قال
{ من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم .
وش رآيكم ..؟
وش الحل لهذي المشكلة الخطيرة ..؟
يعني لهالدرجة مافيه إحترام ولا تقدير للأم ..؟! | |
|
عبدالله العنزي مشرف القسم العام
عدد المساهمات : 425 تاريخ التسجيل : 23/06/2010 العمر : 39
| موضوع: رد: يلعن امك صارت مدحه الإثنين أغسطس 02, 2010 12:45 am | |
| موضوع حلوو للنقاش
بصراحه مجتمعنا هذا الاغلب منهم
ما يعتاد الي على العادات السيئه
يعني على كثر الشباب والبنات الي يقولون
يلعن امك من متى قامو يتعودون على للفظها يوميا
من سنه او سنتين او ثلاث سنوات او خمس سنوات بالكثير
يعني الحين نقول ان اعمارهم ما بين 17 وال 30 سنه والاغلب منهم يقولون هالجمله
طيب الاغلبيه هذي يوم كانو صغار ما كانو يقولون سبحان الله او استغفرالله او الحمدالله
اكيد كانو يقولونه وبشبه يومي يا بالمدرسه او بالبيت والبعض منهم كان يروح المسجد مع ابوه
وهو صغير وكان يكرر التسبيح والتحميد والاستغفار في اعماق قلبه
فـ المعروف عندنا ان الانسان يكبر وتكبر عاداته معاه بس احنا نشوف العكس بالوقت هذا
الانسان كل ما كبر كل ما استغنى عن العادات القديمه وبدأ يغير اصبح كلمة العن ابوك كـ السلام عليكم
فـ شنو الغريب يعني دام ان اغلب الناس اصبحت الصلاه بنسبه لهم عاده وليست عباده
الحل ان التفكير عند الناس يتغير ومعرفة قدر الاب والام
ولا يأخذون سبهم للاولياء امورهم عاده بينهم وتكبر معاهم
عقب بنشوف ان الولد يقعد مع الابو ويقول حق اخوه يلعن ابوك وهم من اب واحد
لا تستغربونه هالشي تره هو الان حاصل..
بس اللـه يستر اتوقع بكره يقعد يمي ولدي ويقول بابا العن ابوك مسوي يمون علي هههههههههههه
تقبلي مروري..
ويعطيج العافيه على الموضوع..
| |
|