قصور الهم

موضوع: قصور الهم الخميس أغسطس 05, 2010 3:37 am

بيني و بين الفَــــــرْحِ وديـــــــانِ وِ جْـبــــال

مهمــــــوم وبْعيني أنـــــا دمـــعِ محتــــــــال

واللي ســــــأل عن حالتي قلتِ لي حــــــــال

ما به هنى و التعـــــــسِ زود(ن) على زود

يبني قصـــــــور الهـــــمِّ فيني و حـــــــولي

واحْتــــــارِ وآعــــــزاهِ يـــــا شيـــــنِ زولي

كِنْ لــــه ملامح عـــابس(ن) دونِ قـــــــولي

لا قلتِ وش فيــك ابْـكَــمَـد؟.. قــالِ مهـــدود

من جور الأيامُ وْ شقــاهــــا و مغــبـــــــون

واشْتدّ حـــزني واكْتوي حيــــــلِ محـــزون

لاكن كتمت الصـــوتِ مـــا قلتِ مكنــــــون

واصْبــر على حالي و لي ربِّ معبــــــــود

اليا دعـيــــتـــــه يستمع لي و بــدعــيــــه

يالله تزيــــل الهــــــمّ عني و طــــاريـــــه

وتْهوّن الــــــوقت الـــرّدي و اهْتني فيــــه

و انْسى عنى الدنيا و شوف الهنى كــــــود

بالعيــنِ علم(ن) لا خيـال(ن) ولا طيــــف

ويْصيـــرِ حزني نـــــوِّ يسري على صيف

عـمــــره ثـــواني يختفي غصبِ لا كيــف

و اسْرق من ايّامي سراب(ن) ومحصــود

فيــــه السعــــادة عمرهــــــا بالثـــــــواني

لا جيت ابحســـبهــــــا عزف لي زمــاني

لحن الشقى كــلّــه نشاز(ن) وشــــــــــاني

والبحرِ وزنه ضيقِ ضايق و معقـــــــــود

بالهمّ في صدره و عجزه و حشـــــــــــوه

فيه التِّلِطِّف لابس(ن) ثوب قســــــــــــوه

معقود في حظّ العنــآ صـــــار عـــــــزوه

مخلوط ممزوجُ وْ تِخَـلـَّـلـْــهِ معصـــــــود

لاكن تصبّــــرتُ وْ تحمّلت صبـــــــــري

طول السنين ابلا تذمّــــر وبَــــشْــــــري

اللي يود القرب قــربي ولا اشْــــــــــري

اللي يريد البعــــــد عني و مـقــــيــــــود

خلف التِّـبِـسَّـام الكذوبُ وْ سرابـــــــــــه

يِـتْـبَـعْهِ و يْصــدّ الصديـــــقُ وْ خطابــه

هذي تفاصيلي بحال(ن) وطى بـــــــــه

همُّ وْ قرف واصْبر كما الصخر جلمـود

موضوع: رد: قصور الهم الخميس أغسطس 05, 2010 6:16 am

يسلمووووووووووو على الكلمات الجميله وبنتظار كلمات تلامس القلب اخوي المبدع نسيت انساك

عدد المساهمات : 37 تاريخ التسجيل : 25/06/2010

بصراحه قمه في الروعه وشهادتي فيك مجروحه ماشاء الله عليك.
تقبل مروري..